Azərbaycanda ən populyar mobil cihazlar - SİYAHI

Tarix: Bugün, 09:41

 
Azərbaycanda ən populyar mobil cihazların adı bəlli olub.

“Apple" smartfonları bu ilin aprel ayında Azərbaycanda mobil cihazlar üzrə 26,1 faiz bazar payı ilə ilk pillədə qərarlaşıb.
Bir ay əvvələ olan göstərici ilə müqayisədə “Apple" markasının Azərbaycanda bazar payı 2,2 faiz bəndi, 2025-ci ilin aprel ayına nisbətən isə 7,25 faiz bəndi artıb.

Hesabat dövründə Azərbaycanda ən çox bazar payına malik smartfon brendlərinin siyahısında adları açıqlanmayan brendlər (unknown) ikinci yerdə olub. Belə ki, bu markalı smartfonların Azərbaycanda bazar payı əvvəlki ayla müqayisədə 1,28 faiz bəndi azalaraq, 2025-ci ilin aprel ayına nisbətən isə 4,48 faiz bəndi artaraq 22,89 faiz təşkil edib.

Dövr ərzində Azərbaycanda ən çox bazar payına malik smartfon brendlərinin siyahısında "Samsung” üçüncü yerdə qərarlaşıb.

Belə ki, bu markalı smartfonların Azərbaycanda bazar payı əvvəlki ayla müqayisədə 1,46 faiz bəndi, 2025-ci ilin aprel ayına nisbətən isə 5,95 faiz bəndi azalaraq 21,73 faiz təşkil edib.

Siyahıda növbəti pillədə “Xiaomi” qərarlaşıb. Belə ki, bu brendin Azərbaycanda smartfonlar üzrə bazar payı bir ay əvvələ nisbətən 0,45 faiz bəndi artaraq, 2025-ci ilin aprel ayı ilə müqayisədə isə 4,54 faiz bəndi azalaraq 18,75 faizə bərabər olub.

Siyahıda 5-ci pillədə 5,19 faiz bazar payı ilə “Honor” smartfonları mövqelənib. Bu göstərici bir ay əvvəllə müqayisədə 0,51 faiz bəndi, 2025-ci ilin eyni dövrünə nisbətən isə 0,25 faiz bəndi çoxdur.

Bu ilin aprel ayı üzrə digər smartfonların Azərbaycanda bazar payı isə 5,34 faiz təşkil edib. (Trend.az)